டொயோட்டா கிர்லோஸ்கர் நிறுவனம் தனது மேம்படுத்தப்பட்ட எட்டியோஸ் மற்றும் லிவா மாடல்களை இந்திய சந்தையில் விற்பனைக்கு அறிமுகம் செய்திருக்கிறது.
பிளாட்டினம் எட்டியோஸ் என்று பெயரிடப்பட்டுள்ள எட்டியோ செடானின் மேம்படுத்தப்ட்ட பதிப்பு, பெட்ரோல் மற்றும் டீசல் ஆகிய இரு இஞ்சின்களுடனும் வெளியாகியிருக்கிறது. இதன் 1.5 லிட்டர் பெட்ரோல் இஞ்சினின் விலை ரூ. 6.34 லட்சத்தில் தொடங்கி ரூ. 7.74 லட்சம் வரையிலும், 1.4 லிட்டர் டீசல் இஞ்சினின் விலை ரூ. 7.36 லட்சத்தில் தொடங்கி ரூ. 8.87 லட்சம் வரையிலும் விலையிடப்பட்டுள்ளது.
ஹேட்ச்பேக்கான லிவாவும் பெட்ரோல் மற்றும் டீசல் ஆகிய இரு இஞ்சின்களின் மேம்படுத்தப்பட்டு வெளியாகியிருக்கிறது. இதன் 1.2 லிட்டர் பெட்ரோல் இஞ்சினின் விலை ரூ. 5.24 லட்சத்தில் தொடங்கி ரூ. 6.28 லட்சம் வரையிலும், 1.4 லிட்டர் டீசல் இஞ்சினின் விலை ரூ. 6.61 லட்சத்தில் தொடங்கி ரூ. 7.44 லட்சம் வரையிலும் நிர்ணயிக்கப்பட்டுள்ளது. குறிப்பிடப்பட்டுள்ள விலைகள் யாவும் மும்பையின் எக்ஸ்-ஷோரூம் விலை.
ப்ளாட்டினம் எட்டியோஸிலும், லிவா ஹேட்ச்பேக்கிலும், வி-வடிவ க்ரில், புதிய பம்பர்கள், ஃபாக் விளக்குகளில் க்ரோம் சுற்று, புதிய ஸ்பீடோமீட்டர் மற்றும் டிஜிட்டல் டெகோமீட்டர், ப்ளூடூத் மற்றும் யூஎஸ்பி வசதியுடன் கூடிய ஆடியோ சிஸ்டம், ஏபிஎஸ், டூயல் ஏர்பேக்ஸ், மற்றும் குழந்தைகள் பாதுகாப்புக்கு உதவும் ஐசோஃபிக்ஸ் பாயிண்ட்கள் ஆகிய வசதிகளுடன் வெளிவந்திருக்கிறது.
Credits: Tractors Price